Dua Forewords

بسم اللہ الرحمن الرحیم

پیش لفظ

اَلْحَمْدُ ﷲِ کَفٰی وَسَلَامٌ عَلٰی عِبَادِہِ الَّذِیْنَ اصْطَفٰی أَمَّا بَعْدُ.

أَعُوْذُ بِاﷲِ مِنَ الشَّیْطٰنِ الرَّجِیْمِ ۔ بِسْمِ اﷲِ الرَّحْمٰنِ الرَّحِیْمِ

اُدْعُوْنِیْ اَسْتَجِبْ لَکُمْ ۔ قال رسول اﷲ ا اَلدُّعَاءُ مُخُّ الْعِبَادَۃِ

السلام علیکم ورحمۃ اللہ وبرکاتہٗ !

دعا بندگی کا اظہار ہے، دعا بارگاہِ حق سے مانگی جانے والی بھیک ہے۔ دعا مصیبت زدوں کیلئے راحت کا سامان ہے۔ دعا مومن کا ہتھیار ہے۔ دعا سارے انسانوں کا بارگاہِ حق میں رجوع ہونے کا طریق ہے۔ دعا زبردست طاقت ہے۔ دعا بندگان خدا کیلئے امید کی ایک کرن ہے۔دعا پریشان حالوں کیلئے یکسوئی کا سبب ہے۔ دعا قرب الٰہی کو پیدا کرنے کا طاقتور ذریعہ ہے۔ دعا بیماروں کی شفا ہے۔ دعا دافع البلا ہے۔ دعا کاشف الغم ہے۔ دعا حفاظت کا ذریعہ ہے۔ دعا بارگاہِ الٰہی میں گریہ و زاری ہے۔ دعا امیروں اور غریبوں کا سب سے قیمتی سرمایہ ہے۔ دعا اپنی عاجزی کا اظہار ہے۔ دعا اللہ کے باعظمت اور باقدرت ہونے کا اقرار ہے۔ دعا بے چین دلوں کا مداوا ہے۔ دعا باب رحمت ہے۔ دعا جسمانی و روحانی ضرورتوں اور راحتوں کے حصول کا ذریعہ ہے۔ دعا اللہ کے غضب کو ٹھنڈا کرتی ہے۔

مانگئے پھر مانگئے پھر مانگئےمانگ میں شرمندگی اچھی نہیں

***

ہر چیز  مسبب سبب سے مانگو

منت سے خوشامد سے ادب سے مانگو

کیوں غیر کے آگے ہاتھ  پھیلاتے ہو

بندے ہو اگر رب کے تو رب سے مانگو

شاہ محمد کمال الرحمن